19/09/2013 Tanzania Prisons 1-1 Yanga
26/03/2014 Yanga 5-0 Tanzania Prisons
28/09/2014 Yanga 2-1 Tanzania Prisons
18/02/2015 Tanzania Prisons 0-3 Yanga
16/09/2015 Yanga 3-0 Tanzania Prisons
03/02/2016 Tanzania Prisons 2-2 Yanga
06/11/2016 Tanzania Prisons 0-1 Yanga
06/05/2017 Yanga ?? Tanzania Prisons
Mchezo wa Azam Sports Federation Cup uliopigwa April 22, 2017 bado Yanga waliendeleza manyanyaso kwa maafande hao wa jeshi la Magereza kwa kuwanyuka bao 3-0 katika mchezo wa robo fainali na kuwatupa nje ya mashindando kabla ya Yanga kukutana na kigingi cha Mbao kwenye nusu fainali na kuvuliwa ubingwa kwa kufungwa kwa goli 1-0.
Mchezo wa leo Yanga wanaingia uwanjani wakiwa na njaa ya matokeo ambayo yatawafanya wawafikie watani zao Simba kwa idadi ya pointi na Yanga kuongoza ligi kwa tofauti ya wastani wa magoli. Yanga ina pointi 56 ikiwa imecheza mechi 25 pointi tatu nyuma ya Simba ambayo imecheza mechi 27 hadi sasa ikiwa na pointi 59.
Yanga ina sababu nyingi za kutaka ushindi dhidi ya Tanzania Prisons ‘iwe mvua au liwe jua’ lazima watafute ushindi na kujiweka kwenye nafasi nzuri ya kutetea taji lao la VPL.
Michuanno ya kimataifa
Ni taji la VPL pekee ndio litawafanya Yanga wacheze michuano ya kimataifa kwa msimu ujao, wameshaondolewa kwenye kombe la Azam Sports Federation hivyo njia yao ya kushiriki michuano ya kimataifa imebaki moja. Wakichukua taji la VPL inamaanisha watakuwa na uhakika wa kucheza michuano ya vilabu bingwa Afrika, wakilikosa msimu ujao wabaki watazamaji kwenye michuano hiyo ambayo.
Kutuliza mashabiki
Ushindi dhidi ya Tanzania Prisons utatuliza presha za mashabiki ambao tayari presha zao zilishaanza kupanda na kushuka baada ya timu yao kuvuliwa ubingwa wa Azam Sports Federation Cup na Mbao baada ya kuchapwa 1-0 kwenye mchezo wa nusu fainali na kuliachia kombe hilo ambalo walilitwaa msimu uliopita.
Kuweka Historia
Yanga wananjaa ya kuweka historia ya kuchukua taji la VPL kwa mara ya tatu mfululizo, ushindi dhidi ya Prisons utatoa taswira halisi ya ubingwa wa msimu huu kwa upande wao bila kujali matokeo ya mpinzani wao katika mbio za ubingwa.
Timu kujiamini
Ushindi dhidi ya Prisons utawafanya wachezaji kujiamini na kuendelea kujituma kutetea taji lao ukilinganisha na wakipoteza mechi hiyo. Kama watapoteza mechi dhidi ya Prisons itakuwa ni mechi ya pili mfululizo wanapoteza katika mataji mawili tofauti ambayo wanayatetea na huenda ikaondoa hali ya kujiamini na kuongeza presha kwao juu ya mbio za ubingwa.
Kuongoza ligi
Kama Yanga watashinda dhidi ya Tanzania Prisons watarejea kwenye nafasi ya kwanza kwenye msimamo wa ligi kwa kufikisha alama 59 sawa na Simba lakini mabingwa watetezi wa taji la VPL wako juu kwa wastani wa magoli. Yanga wana wastani wa magoli 39 hadi sasa wakati Simba wakiwa na wastani wa magoli 30.
Kisaikolojia ina faida kwa wachezaji ukizingatia watakuwa wako nyuma ya Simba kwa mchezo mmoja, Simba wakishinda kesho dhidi ya African Lyon watarudi kileleni kwa kufikisha pointi 62, wakitoka sare watafikisha pointi 60 lakini endapo watapoteza mchezo wao watasalia katika nafasi ya pili na hapo ndipo Yanga watakuwa na faida zaidi ya Simba katika mbio za kuwania taji la VPL msimu huu.
Prisons si timu ya kubeza, ikumbukwe mnyama alikaa kwenye uwanja wa Sokoine jijini Mbeya kwa kichapo cha magoli 2-1 katika mchezo wa raundi ya kwanza msimu huu. Kufika hatua ya robo fainali ya FA ni mafanikio kwa upande wao ukizingatia walitolewa na timu inayotetea taji.
‘Wajelajela’ wapo katika nafasi ya 9 ya msimamo wa ligi kuu Tanzania bara wakiwa na pointi 31 baada ya kucheza michezo 27 pointi sawa na African Lyon lakini wakitofautishwa na wastani wa magoli.
Post a Comment