Hitmaker wa ‘Usisahau’ Timbulo ameungana na Rais wa Jamhuri ya Muungano wa Tanzani Dr John Pombe Magufuli kwa kumuunga mkono Mkuu wa mkoa wa Dar es Salaam Paul Makonda katika harakati zake dhidi ya dawa za kulevya.
“Ni janga ambalo limekuwepo miaka mingi na watu wameathirika wengi na wasanii wengi tumewapoteza, wengine wamepoteza nafasi zao kwenye game na wengine afya zao zimekuwa ni mbovu, wengine wamekuwa wakidhalilika na brand zao zikipotea, kuliko hata hiyo brand ambayo nimeona Waziri ameiongelea,” Timbulo amemuambia mtangazaji wa Ice FM, Gami Dee.
Timbulo ametolea mfano wa wasanii ambao wamepoteza brand zao kwa kusema, “ni kweli anashusha brand kwa mamna moja ama nyingine lakini nafikiri madhara ya kile ambacho watu wanatumia ni makubwa zaidi kulizo hii brand anayohisi inashuka siku moja. Ni nani asiyejua jinsi ambavyo brand ya Ray C imeshuka? Ni nani asiyejua jinsi ambavyo brand ya Chidi Benz imeshuka kutokana na utumiaji wa madawa ya kulevya? Kwahiyo unaweza kuona athari za yale madawa ni kubwa zaidi na zinashusha zaidi hiyo brand kuliko hata mwaliko au muito wa siku moja ambao watu wamefanyiwa, mi naona Makonda yupo sawa kuliko hata Nape,” ameongeza.
Kikubwa mkali huyo wa usisahau ameona kuna vitu vya muhimu ambavyo Mh Nape angezungumzia kuliko hata hilo suala la brand.
“Wangekuwa wanajali brand wanazoziongelea ili brand iinde sawa ilitakiwa brand iende pamoja na kipato, maana taifa hili linafahamu jinsi gani sanaa yetu wangeweza kutusaidia na ikawa na pesa zaidi, kitu ambacho Waziri anafahamu, serikali nzima inafahamu. Kwahiyo unaweza ukaona vipo vya muhimu zaidi kuliko hata brand anazosema kwa zinashuka siku moja wakati unamuona msanii kama Timbulo mpaka leo sijawahi kuWa na kiwanja sijawahi kuwa na gari usije ukashangaa, ukubwa haufanani na kipato tunachokipata.”
Post a Comment